سالمون روووووووووووعه لايفووووووتكم

شوفن اليوم انا مسويه سنعه وجايبتن
لكن طبخة مره سهلة وسريعة ماتحتاجن شي..
وجبت هالطبخة من كتاب اجنبي.. ترجمت الي اقدر عليه ..
والباقي ما امداني اترجموه..لأن السحورقرب ووراي كرف ..<<==يعنني اعرف اترجم
والصراحه مره لذيذة..أنا جربت اسوي بعضهن..
بس اكثر شي اعجبن فيه طريقة التقديم
مهوب مثلنا يكبون الاكل كب ولايصفونوه جنب بعض..تقل طوابيرنا ايام المدرسه...كل ثنتين جنب بعض..
عاد تدرن على طاري السنع والطبخ
اول مره بحياتي سويت رز لأهلي طلع الرز كان فيه مراااره ماتتخيلونه
حتى ابوي كان ياكل ويناظرن بطرف عين يقولي يابنيتي لاتصيرين حاطتن لنا سم فيران وش ذا..الرز الله يهديتس
وذاك اليوم اهلي الي مايخلون ولانقطة رز بالصحن ....ألا ويكرمونه
تركو الرز وصارو ياكلون فاكهه ويشربون لبن ويقومون واحد ورى الثاني <<=-=طلعو اهلي سواريا يتغدون فاكهه
ومافيه غير امي ياحبني له هي الي جلست تغصب برزي وتجرعوه تقول ايه السنع مايجي مرتن وحده
يوم جلست امي تحقق معي وش انا حاطتن بالرز طلعت كابتن نص قارورة المستكه على بالي ابيه تطعم بوه...
والله مسكت خط بالسواليف...
يالله انشالله تعجبكوم هالطبخة الي انا اخترته ...
وتدعون لي..أن رجلي يصير مايطيق الاكل واحب ماعليه سندويشت جبن بالحماصه....<<==انتي اعرسي الحين
يالله نبداء...
سمك السالمون + صلصة الخردل...
المقادير::
2كوب ماء
1ملعقه بشر ليمون
1ملعقه شبت مفروم
4شرائح سمك السالمون
شرائح خيار طويله للتزيين
*الصوص
نص كوب مايونيز
2ملعقه خردل
1ملعقه عصير ليمون
الطريقه::
1يخلط الماء + بشر الليمون والشبت وتوضع في قلايه حتى تغلي...
2يضاف اليه سمك السالمون ويطبخ لمدة عشر دقائق ... 3الصوص،،، تخلط مقادير الصوص مع بعضها
ويوضع السمك في طبق التقديم ثم توضع شرائح السمك والخيار للتزيين وبعدها تصب عليها قليل من الصلصه..